తిరుపతి: కరోనాను జయించిన 16 నెలల బాలుడు

ఏపీలో కరోనా కేసులు పెరుగుతున్నాయి.. గత రెండు, మూడు రోజులుగా డిశ్చార్జ్ అవుతున్న వారి సంఖ్య కూడా పెరిగింది. అయితే తిరుపతికి చెందిన 16 నెలల బాలుడు కరోనా వైరస్‌ను జయించాడు. స్విమ్స్‌ ఉద్యోగి అయిన బాలుడి తండ్రికి ముందు కరోనా వైరస్‌ నిర్థారణ అయ్యింది.. ఆ తర్వాత ఇంట్లో వారికి సోకింది. దీంతో వారంతా క్వారంటైన్‌లోకి వెళ్లి చికిత్స తీసుకున్నారు. బాలుడు ఆరోగ్యంపై తల్లిదండ్రులు ఆందోళన వ్యక్తం చేశారు. ఆ బాలుడు కరోనా నుంచి కోలుకోవడంతో తల్లిదండ్రులు ఊపిరి పీల్చుకున్నారు. తండ్రి, తల్లితో పాటు 14 రోజుల పాటు క్వారంటైన్‌లో ఉన్నాడు.. ఇప్పుడు అందరికీ నెగటివ్ రిపోర్ట్స్‌ రావడంతో డిశ్చార్జ్ చేశారు. ఇదిలా ఉంటే చిత్తూరు జిల్లాలో శుక్రవారం 630 పాజిటివ్ కేసులు నమోదయ్యాయి. మొత్తం కేసుల సంఖ్య 6569కు చేరగా.. వీరిలో 3581మంది డిశ్చార్జ్ అయ్యారు. 2920 మంది ఆస్పత్రుల్లో చికిత్సపొందుతున్నారు. జిల్లాలో ఇప్పటి వరకు 68మంది చనిపోయారు. మరోవైపు తిరుపతిలో కూడా కేసులు పెరిగిపోతున్నాయి. అక్కడ మొత్తం 1500కుపైగా కేసులు నమోదయ్యాయి. దీంతో నాలుగు రోజుల నుంచి నగరంలో లాక్‌డౌన్ తరహా ఆంక్షలు అమలు చేస్తున్నారు. అత్య‌వ‌స‌ర సేవ‌లు, మెడిక‌ల్ షాపులు మిన‌హా మిగ‌తా దుకాణాల‌కు ఉద‌యం 6 గంట‌ల నుంచి 11 గంట‌ల వ‌ర‌కు మాత్ర‌మే అనుమ‌తి ఉంటుంది. ఆంక్ష‌ల స‌మ‌యంలో ప్రైవేటు వాహ‌నాల‌కు న‌గ‌రంలోనికి అనుమ‌తి ఉండదు. నిబంధ‌న‌లు అతిక్ర‌మిస్తే జ‌రిమానాలు త‌ప్ప‌వు.. ఈ ఆంక్ష‌లు వ‌చ్చే నెల 5 వ‌ర‌కు కొన‌సాగుతాయ‌ి.. ప్ర‌తి ఒక్క‌రూ నిబంధ‌న‌లు పాటించాల‌ని పోలీసులు కోరారు.

from Telugu News | తెలుగు వార్తలు | Online Telugu News | Latest News in Telugu https://ift.tt/3jzRbuO
via