ముందు నాన్నను.. తర్వాత అమ్మను కోల్పోయా... రషీద్ ఖాన్ భావోద్వేగం

ఐపీఎల్ 2020లో బోణీ కొట్టింది. తొలి రెండు మ్యాచ్‌ల్లో ఓడిన ఆరెంజ్ ఆర్మీ మూడో మ్యాచ్‌లో ఆల్‌రౌండర్ ప్రదర్శనతో ఢిల్లీపై 15 రన్స్ తేడాతో గెలుపొందింది. ఈ మ్యాచ్‌లో టాప్ స్పిన్నర్ 4 ఓవర్లలో కేవలం 14 పరుగులిచ్చి 3 వికెట్లు పడగొట్టాడు. శ్రేయస్ అయ్యర్, శిఖర్ ధావన్, రిషబ్ పంత్‌లను పెవిలియన్ చేర్చి రషీద్.. మ్యాచ్‌ను సన్‌రైజర్స్ వైపు మొగ్గేలా చేశాడు. ఐపీఎల్‌లో అత్యుత్తమ బౌలింగ్ ప్రదర్శన చేసిన రషీద్ ఖాన్‌కు ప్లేయర్ ఆఫ్ ది మ్యాచ్ అవార్డు దక్కింది. ఈ సందర్భంగా రషీద్ ఖాన్ మాట్లాడుతూ.. గత ఏడాదిన్నర కాలం తనకెంతో కఠిన సమయం అని చెప్పాడు. ముందు తన తండ్రి చనిపోయాడని.. మూడు నాలుగు నెలల క్రితం తన తల్లి మరణించిందని రషీద్ చెప్పాడు. ఈ బాధ నుంచి బయటకు రావడానికి తనకు సమయం పట్టిందన్నాడు. అందుకే గొప్ప ప్రదర్శన చేయలేకపోయానని చెప్పాడు. ‘అమ్మ నాకు అతిపెద్ద అభిమాని. ముఖ్యంగా ఐపీఎల్ ఆడుతున్నప్పుడు.. నాకు మ్యాన్ ఆఫ్ ది మ్యాచ్ వస్తే.. ఆ రాత్రంతా నాతో మాట్లాడుతూనే ఉండేది’ అని చెబుతూ రషీద్ భావోద్వేగానికి లోనయ్యాడు. చాలా కాలంపాటు అనారోగ్యంతో బాధపడిన రషీద్ ఖాన్ మాతృమూర్తి 2020 జూన్ 18న మరణించారు. మా అమ్మ కోలుకోవాలని ప్రార్థించడంటూ.. అంతకు ముందు రషీద్ తన అభిమానులను కోరాడు. తల్లి చనిపోయిన అనంతరం ఈ అప్ఘాన్ క్రికెటర్ బాధను వ్యక్తం చేసిన తీరు అందర్నీ కలచి వేసింది. ‘‘అమ్మా నువ్వే నా ఇల్లు. నాకు గతంలో ఇల్లు లేదు నువ్వు ఉన్నావు. నువ్వు ఇక నాతో ఉండబోవనే ఊహను నమ్మలేక పోతున్నాను. నిన్ను ఎప్పటికీ మిస్సవుతానమ్మా’’ అంటూ రషీద్ ట్వీట్ చేశాడు. అంతకు ముందు 2018 డిసెంబర్ చివర్లో రషీద్ ఖాన్ తండ్రి మరణించాడు. ఈ విషయాన్ని ట్విట్టర్ ద్వారా వెల్లడించిన రషీద్.. ‘ఇవాళ నా జీవితంలో అతి ముఖ్యమైన వ్యక్తిని కోల్పోయాను. నాన్నా.. నువ్వెప్పుడూ బలంగా ఉండమని నాకు చెప్పేవాడివి. ఎందుకంటే ఈ రోజు నువ్వు నాకు దూరమవుతావని నీకు తెలుసు. నువ్వు లేని బాధను అధిగమించడం కోసం నాకెంతో స్థయిర్యం అవసరం. నిన్ను ఎప్పటికీ మిస్సవుతా నాన్న’ అని రషీద్ ఉద్వేగానికి లోనయ్యాడు.

from Telugu News | తెలుగు వార్తలు | Online Telugu News | Latest News in Telugu https://ift.tt/3ifAtPx
via